सम्मानको श्रृंखला
डा. सुदर्शन थापा
कोरोना फोकल पर्सन, कोरोना अस्पताल, बुटबल
|
कोरोना संक्रमित बिरामी पहिलो पटक आउँदा हामी अन्यौलमा थियौं । अन्यौल हुनुु स्वभाविक पनि थियो । नयाँ रोग, औषधि नबनेको रोग, यी कारणले हामी चिकित्साकर्मी अन्यौलमा थियौं । टिम वर्क र बिरामीको सहयोगले हामीभित्रको त्यो अन्यौल र डर अहिले मत्थर हुँदै गएको छ । कोरानासँग लड्न हामीसँग कामप्रति समर्पित समूह छ । उहाँहरू दिलोज्यान दिएर
काममा खटिनु भएको छ । उहाँहरू सबैजनालाई धन्यवाद भन्न चाहन्छु ।
उपचारका लागि आउनु भएका बिरामीबाट पनि हामीले सहयोग पाएका छौं । बिरामीले ‘परीक्षण रिपोर्ट नेगेटिभ आएपछि मात्रै घर जान्छौं’ भन्नु हुन्छ । रिपोर्ट नेगेटिभ आउनका लागि के–के गर्नुपर्छ भन्ने हुन्छ । उहाँहरू जतिसक्दो छिटो निको भएर घर जान इच्छुक हुनुहुन्छ । जस्तोसुकै सतर्कता अपनाउन पनि तयार हुनुहुन्छ । पथ परेजमा बस्न तयार हुनुहुन्छ । मानसिक र शारीरिक रूपमा स्वस्थ हुनु बिरामीले आफ्नो तर्फबाट सक्दो प्रयास गर्नुपर्छ । त्यो प्रयास गर्नुभएको छ । हामीले पनि उपचार सहित उहाँहरूको सहजतालाई ध्यान दिएका छौं । उहाँहरूलाई कोरोना संक्रमणका बारेमा बुझाउँछौं । उपचार पद्धतिका बारेमा बताउँछौं । त्यसले उहाँहरूको आत्मबल बढाउन मद्दत गर्नेरहेछ । जति आत्मबल बढ्यो, त्यति बिरामीले आफूलाई बलियो महसुश गर्छ । अन्य सतर्कतासहितको आत्मबलले कोरोनासँग जित्न मद्दत गर्छ ।
अधिकांश भारतबाट फर्किएका
यहाँको कोरोना अस्पतालमा भर्ना भएका धेरै कोरोना संक्रमितहरू भारतमा काम गरेर नेपाल फर्किएकाहरू हुनु हुन्छ । जति पनि पोजेटिभ देखिनु भएको छ, उहाँहरू अधिकांश भारतको आफ्नो कामबाट फर्किएहरू नेपाली हुनुहुन्छ । यहाँ उपचारमा रहनु भएका बिरामीहरू एउटै परिवारको हुनुहुन्न । एउटै गाउँका पनि हुनुहुन्न । खुल्ला सिमानाका कारण भारतबाट आउने नेपालीलाई क्वारेन्टिन नराखेसम्म कोरोना नियन्त्रण गाह्रो हुन्छ ।ठाउँ ठाउँमा क्वारेन्टिन बनाएर भारतबाट आउने बिरामीलाई राख्नु पर्छ । खुल्ला सिमानाका कारण कामका लागि त्यहाँ गएकाहरू सजिलै फर्कन सक्छन् प्रत्येक पालिकामा पर्याप्त क्वारेन्टिन बनाउनु पर्छ । त्यसो भयो भने, कोरोनाको बिरामीको उपचारमा हामी सफल हुन्छौं । हाम्रो अस्पतालमा गाउँपालिका र नगरपालिकाका बिरामी हुनुहुन्छ ।
केही समय अघि महाकाली नदी तरेर भारतबाट नेपाल भित्रिएकाको समाचार हामीले पढेकौ हौ । यति मात्रै होइन, क्वारेन्टिनलाई बस्नु भनेको नराम्रो होइन भन्ने कुरा पनि बुझाउनु आवश्यक छ । कोरोना संक्रमण हुनु नराम्रो हो, भन्ने बुझाई पनि परिवर्तन हुनुपर्छ । यो संक्रमण जसलाई पनि हुनु सक्छ । सकेसम्म संक्रमित नहुने हो, संक्रमित भइहाले पनि आइसोलेसनमा बस्ने, आइसोलेसनमा बस्दा मनोबल उच्च बनाउने ग¥यो भने हामीले पक्कै पनि कोरोनालाई जित्छौं । कोरोनाबाट मुक्ति पाउनका लागि हामीले सर्तकतासहित संयमता अपनाउनुपर्छ । अहिलेको अवस्थालाई विश्लेषण गर्दा, भारतलगायत अन्य देशबाट आएकालाई क्वारेन्टिनमा राख्ने व्यवस्था पहिलो महत्वपूर्ण कुरा हो । दोस्रो भनेको नागरिकले गर्नुपर्ने काम हो, नागरिक सचेत हुनु अत्यावश्यक छ । सरसफाइमा ध्यान दिने, सामाजिक दूरी कायम राख्ने कायम राख्ने गर्न सके कोरोनालाई हामी हराउन सक्छौं । अहिलेको आवश्यकता भनेको स्वास्थ्य सर्तकता सहित धैर्यता र सावधानी हो ।
No comments:
Post a Comment