अनुभव श्रृंखला
 |
जगन्नाथ गौतम |
कोरोना भाइरस (कोभिड–१९) को संक्रमणबाट विश्वका अन्य राष्ट्रहरू प्रभावित भएजस्तै अमेरिका पनि प्रभावित छ । अमेरिकाको न्यूयोर्क, क्यालिफोर्निया, टेक्सासलगायतका राज्यमा कोरोना भाइरसको संक्रमण धेरै फैलिएको थियो । अमेरिकाको यी राज्यको तुलनामा कोलोराडोमा हालसम्म कोभिडको असर कम छ । कोलोराडो राज्यले कोभिड नियन्त्रणका लागि बेलैमा ध्यान दिएकाले कोरोना नियन्त्रण भएको हो ।
कोरोना भाइरसको संक्रमण देखिने बित्तिकै कोलोराडो राज्य सरकारले व्यवसाय र काम बन्द गरेर होमस्टेमै बस्न निर्देशन दियो । त्यसैले पनि यहाँ कोरोना कम फैलिएको अनुमान छ । अन्यत्रको तुलनामा कोलोराडोमा व्यवस्थित बसोबास छ । यो पनि कोरोना फैलन नपाउनुको कारण हुन सक्ने अनुमान गरिएको छ ।
अहिले अवस्था विस्तारै सामान्य बन्दै गएको छ । कोलोराडोका रेष्टुराँहरूमा कुल क्षमतामध्ये ५० प्रतिशत मात्रै राखेर व्यवसाय गर्न पाउने व्यवस्था गरिएको छ । यसरी व्यवसाय सञ्चालन गर्दा सुरक्षाको सबै उपायहरू अबलम्वन गरेर मात्रै गर्न सकिने भनिएको छ । कतिपय रेष्टुराँले आफैं सतर्क भएर प्याकिङको मात्रै व्यवस्था गरेका छन् । रेष्टुराँमा नै बसेर खानपिन गर्ने अवस्था अझैं सबै रेष्टुराँहरूले गरेका छैनन ।
लकडाउनका बेला बन्द भएका कतिपय व्यवसायहरू भाडा तिर्न नसकेर खुल्न सकेका छैनन । कोभिड धेरै फैलिएका राज्यहरूमा भएको यो अवस्थाको अन्त्य गर्दै व्यवसाय खुलाउन यहाँको गर्भनरले नयाँ निर्णय गर्लान् ।
व्यवसाय बन्द नहोउन्, श्रममा रहेकाहरू रोजगारविहीन नहोउन् भन्दै केन्द्रीय सरकारले कानुनी रूपमा चलेका व्यवसायलाई राहतको घोषणा गरेको छ । व्यवसायीहरूलाई केन्द्रीय सरकारले राहतको व्यवस्था गरेको छ । यो राहत पाएपछि धेरै व्यवसाय सञ्चालन भएका छन् । यसबाट पनि के प्रष्ट हुन्छ भने, सरकारले गर्ने सहयोग अत्यन्तै महत्वपूर्ण हुन्छ । विभिन्न शीर्षकमार्फत दिइएको ऋण सहयोगले पनि अप्ठ्यारोमा परेका व्यवसाय सञ्चालन भएका छन् । अमेरिकी सरकारले यो सहयोगलाई कसरी थप गर्ने यस सन्दर्भमा थप छलफल गरिरहेको छ । यहाँको केन्द्रीय सरकारले वैधानिक रूपमा अमेरिका बस्दै आएका प्रत्येक नेपालीलाई १२ सय ‘इस्टुमिलेसन चेक’ दिएको छ । तिमी घरमै बस हामी तिम्रो खातामा पैसा हालिदिन्छौं भन्दै रकम हालिदिएको अवस्था छ । नागरिकलाई दिएको रकम अपर्याप्त भएको भन्दै थप रकम दिनका लागि केन्द्रीय सरकारले छलफल गरिरहेको हामीले जानकारी पाएका छौं । कर्मभूमिको सरकार यति धेरै जिम्मेवार र उत्तरदायी भइरहँदा जन्मभूमिको सरकार भ्रष्टाचारमा निर्लिप्त भएको देख्दा मन कुडिन्छ । महामारीको यो विपत्तीमा सरकारले जनताको पीडमा मल्हम लगाउन किन नचाहेको होला ? नागरिकप्रति सरकार संवेदनशील नभएको देख्दा दया लाग्छ । नेपाल सरकारले विकसित देशमा जस्तै गरिबीको आधारमा आर्थिक सहयोग गर्नुपर्छ ।
हाम्रो सहयोग
कोभिड–१९ का कारण अप्ठ्यारोमा परेका नेपाली समुदायलाई एनआरएनएन अमेरिकाले सक्रिय भएर सहयोग गरेको छ । अन्य च्याप्टरका साथीहरूको पनि यसमा सहयोग रह्यो । सबैको साथ र एकताले नेपाली समुदायलाई सहज भएको अनुभव गरेको छु । एनआरएनए र नेपाली जनसम्पर्क समिति मिलेर कोभिडका कारण रोजगार गुमाएकाहरू व्यक्ति र परिवारलाई आर्थिक सहयोग ग¥यौं । औषधि, मास्क, स्यानिटाजर उपलब्ध गरायौं । कतिपय बिरामीलाई अस्पताल पु¥याउनु भएको थियो ।
च्याप्टर अध्यक्षको सिफारिसका आधारमा अप्ठ्यारोमा परेका विद्यार्थीलाई एनआएएनएको केन्द्रीय कार्यसमितिमार्फत रकम प्रदान गरेका थियौं । विभिन्न विश्वविद्यालयहरूलाई नेपाली विद्यार्थीको कलेज फि मिनाहा गरिदेउ, घटाइदेउ भनेर अमेरिका एनआरएनएले चिठ्ठी लेखेको छ । विश्वविद्यालयहरूले रकम पछि तिरे पनि हुने निर्णय गरेको जानकारी पाएका छौं । त्यसैगरी फि मा केही रकम घटाएको पनि खबर पाएका छौं ।
अमेरिकी सरकारले एउटा नीति भर्खर पास गरेको छ । उक्त नीति लागू भएपछि विद्यार्थीले अनलाइनमार्फत कक्षा लिन पाउँदैनन् । विश्वविद्यालयमा विद्यार्थी स्वयं उपस्थित हुनुपर्छ । ‘इमिग्रेसन कस्टम इन्फोर्समेन्ट’ नामको उक्त नीति अनुसार कक्षामा उपस्थित नहुने विद्यार्थीलाई हटाउन समेत सक्छ । अमेरिकी सरकारको यो नीतिले नेपाली विद्यार्थीसहित अमेरिका पढ्न आउने सम्पूर्ण विद्यार्थीलाई असर गर्छ । म्यासचुसेट्स र हार्बट चुसेस र हार्वट विश्वविद्यालयले सरकारको यो नीतिविरुद्ध मुद्दा हालेका छन् । उक्त मुद्दालाई अदालतले खारेज गरिदिए विद्यार्थीलाई सजिलो हुन्छ । यो विषयमा एनआएएनएले छलफल गरेको छ ।
कोलोराडोसम्मको यात्रा
कास्कीका जगन्नाथ गौतम अहिले अमेरिकाको कोलोराडो राज्यमा बस्छन् । अवसरको खोजीमा १८ वर्षअघि अमेरिका पुगेका उनी रेष्टुराँ व्यवसायमा संलग्न छन् । २०३८ सालमा पोखराको पृथ्वीनारायण क्याम्पसमा भर्ना भएका उनी नेपाल विद्यार्थी संघमा आवद्ध भए । २०४६ सालको आन्दोलनमा गौतम सक्रिय भए । प्रजातन्त्रको पुनस्र्थापनापछि नेपाली कांग्रेस कास्कीबाट राजनीतिमा सक्रिय उनी जनसम्पर्क समिति अमेरिकाका पूर्वकेन्द्रीय सदस्य हुन् ।
No comments:
Post a Comment