अनुभव श्रृंखला
 |
तिलक गैरे |
इटाली र बेलायतमा कोरोना भाइरस (कोभिड–१९)का संक्रमितहरू देखिएपछि पोर्चुगलमा पनि संक्रमितहरू देखिन थालेका हुन् । मार्च महिनाको पहिलो सातादेखि यहाँ कोरोना संक्रमित देखिएका थिए । दुई–तीन जनाबाट सुरु भएको संक्रमण विस्तारै फैलिएको थियो । पोर्चुगल सरकारले कोरोनाको भाइरस फैलन नपाओस् भन्दै मार्चको १६ गतेदेखि स्वास्थ्य संकटकाल लगायो । संकटकाल लगाएपछि हिँड्डुल गर्न नै बन्देज लगाइएन । अत्यावश्यक काम हुँदा हिँड्डुल गर्न पाइन्थ्यो । तर, घर बाहिर निस्कनुको कारण पर्याप्त र ठीक हुनुपथ्र्यो ।
कम्पनीमा वैधानिक रूपमा काम गरिरहेका कर्मचारीलाई सरकारले तलबको ६५ प्रतिशत क्षतिपूर्तिको रूपमा दिने व्यवस्था गरेको थियो । १२ वर्ष भन्दा कम उमेरका सन्तान भएका आमा बाबुलाई पनि सरकारले आर्थिक सहयोग गरेको थियो । विद्यालय बन्द भएपछि छोराछोरी घरमै हुने जसले गर्दा अभिभावक काममा जाने अवस्था नहुने भएकाले सरकारले सहयोग गरेको हो । यो त भयो यहाँको सरकारले आफ्ना नागरिकलाई गरेको सहयोग । गैर आवासीय नेपाली संघ पोर्चुगलले पनि कोरोनाका कारण अप्ठ्यारोमा परेका नेपालीलाई सहयोग गरेको छ । पोर्चुगलको फारु भन्ने ठाउँमा ७४ जना नेपालीहरू क्वारेन्टिनमा बसेको भन्ने समाचार यहाँका स्थानीय सञ्चारमाध्यमहरूले बाहिर ल्याए । गैर आवासीय नेपाली संघ पोर्चुगलका तर्फबाट त्यहाँको अवस्था बुझ्दा एक जना मात्रै संक्रमित भएको निश्चित भयो । संक्रमितलाई हामीले सहयोग ग¥यौं । अहिले उहाँको अवस्था सामान्य छ । स्वास्थ्य संकटकाल लगाएपछि कोरोनाका कारण नेपाली समुदायलाई पनि असर परेको पायौं । खाना, बस्नै समस्या भएकाहरूलाई हामीले सहयोग ग¥यौं ।
गैरआवासीय नेपाली संघ पोर्चुगलअन्तर्गत एउटा समिति नै बनाएर काम सुरु गरेका थियौं । नयाँ आउने साथीहरूलाई यहाँ भाषाको समस्या पर्छ । पोर्चुगलमा अंग्रेजी भाषा बोलिँदैन । भाषाका कारण साना साना विषयले पनि उहाँहरूलाई समस्या परेको थियो । उक्त समितिले उहाँहरूलाई भाषामा समेत सहजिकरण गरेको थियो । बिरामीको अवस्था बुझ्ने, बिरामीको आवश्यकता बुझ्ने काम भयो । अस्पताल पु¥याउने, एम्बुलेन्स बोलाउने काममा त्यो समितिको भूमिका महत्वपूर्ण रह्यो ।
राहत वितरणलाई प्रभावकारी बनाउन कोरोना राहत समिति पनि बनाएका थियौं । अप्ठ्यारोमा परेकालाई राहत वितरण गर्न त्यो समितिको भूमिका महत्वपूर्ण रह्यो । उक्त समितिले राहत वितरण सँगसँगै प्रभावितहरूको मनोबल उच्च राख्नका लागि काम ग¥यो । टेलिफोनबाट नियमित सम्पर्क गरेर अप्ठ्यारोमा परेकाहरूको मनोबल बढाउने काम हुन्थ्यो । साताको दुईपटक म आफैंले उहाँहरूलाई फोन गर्थे । आवश्यक पर्दा दैनिक फोनमा कुरा हुन्थ्यो । वैधानिक रूपमा काम गरिरहनु भएका नेपालीहरूले समस्या भोग्नु परेन ।
उहाँहरूले सरकारबाट क्षतिपूर्ति वापतको रुपैयाँ पाउनुभयो भर्खरै आउनु भएको, दिगो काम नपाउनु भएका साथीहरूलाई समस्या थियो, उहाँलाई सहयोग ग¥यौं । त्यसैले उहाँहरूलाई खान बस्नकै समस्या भएन । उहाँहरूको सहजताका लागि यहाँको सरकारसँग पनि समन्वय गरिरहेका छौं । अप्ठ्यारोमा परेका ५० जना जति साथीहरूलाई मैले व्यक्तिगत रूपमा नै सहयोग गरेको छु । पछिल्लो समय सहयोगका लागि अनुरोध आएको छैन । यसबाट पनि हामीले अवस्था सामान्य हुँदै गएको छ भन्ने बुझ्नुपर्छ । हामीले राहतलाई भन्दा रोजगारलाई प्राथमिकता दियौं । मे महिनाको पहिलो साता पोर्चुगलमा लकडाउन अलि खुकुलो भयो । लकडाउन खुकुलो भएपछि पद खाली भएका कम्पनीहरूमा रोजगार नभएकाहरूलाई रोजगार दिलाएका छौं । राहत दिन भन्दा काम खोजिदिनु ठीक भन्दै कामको प्रबन्ध गरी दियौं । जसले उहाँहरूलाई सजिलो भएको छ । पोचुर्गलको अहिलेको अवस्थाको कुरा गर्ने हो भने, कोभिडप्रतिको डर सतर्कतामा परिणत भएको छ । मास्क, पन्जा, स्यानिटाइजरको प्रयोग अनिवार्य छ । सतर्कता अपनाउँदै काम काम सुरु गरिएको छ । व्यवसायहरू सञ्चालन भएका छन् ।
खाना, बस्न नै समस्या नभए पनि राम्रो आम्दानी गर्न गाह्रो छ । कोभिडको यो असर कहिलेसम्म रहने हो अहिले नै भन्न सकिन्न । पोर्चुगलको अर्थतन्त्र पर्यटनले धानेको हो । पर्यटकहरूको आवागमन अत्यन्तै न्यून भएकाले यहाँको अर्थोपार्जन कम छ । सोचे जस्तो आम्दानी हुन सकेको छैन । यसको असर नेपालीहरूमा पनि परेको छ । त्यसैले यहाँ पनि नेपाल फर्कन चाहने नेपालीहरू हुनुहन्छ । उहाँलाई नेपाल फर्काउने सन्भर्दमा परराष्ट्र मन्त्रीसँग अनलाइन मिटिङ भएको थियो । सरोकारवालाहरूसँगको निरन्तर समन्वय र वार्तापछि पेरिसबाट दुईवटा हवाइजहाज उडेको छ । जुन जहाजमा पोर्चुगलका नेपाल फर्कन चाहने नेपाली पनि हुनुहन्छ । अर्को फ्लाइटको पनि तयारी भरहेको छ । फर्कन चाहनेलाई समन्वय गरेर नेपाल फर्काउन एनआरएनए सक्रिय छ ।
पोर्चुगलसम्मको यात्रा
तिलक गैरलाई अन्तर्राष्ट्रिय डिग्रीको इच्छा तीव्र थियो । त्यो डिग्रीका लागि उनले पोर्चुगल रोजे । १३ वर्ष अघि अध्ययनको क्रममा उनी पोर्चुगल पुगे । अध्ययन सकेपछि त्यही बस्दै आएका तिलक गैर आवासीय नेपाल संघ पोर्चुगलका अध्यक्ष हुन् । 
No comments:
Post a Comment